“Өдрийн сонин”-ы баасан гаригийн дугаар хэвлэгдэн, захиалагчдадаа хүрлээ. Энэ өдрийн дугаарт гарсан нийтлэл, сурвалжлага, ярилцлага, мэдээ мэдээллээс онцолж, тоймлон хүргэж байна.
Засгийн газраас хэрэгжүүлж буй “Сайн оюутан” хөтөлбөрийг хэрэгжүүлэхээр болж, оюутнуудад сургалтын төлбөрийн зээл олгож эхэлсэн. Уг хөтөлбөрийн нээлт АШУҮИС-ийн Эко танхимд өчигдөр болсон юм. Эндээс хийсэн сурвалжлагыг нэг, 16 дугаар нүүрт нийтэллээ.
УИХ-ын гишүүн С.Оюуны “Намайг “НҮБ-д ажиллах гээд сонгуульд дэвшээгүй” гэдэг зүгээр л цуу яриа юм” ярилцлагыг улс төрийн мэдээллийн хоёрдугаар нүүрээс унших боломжтой. Тэрбээр сонгуультай холбоотой асуултуудад юу гэж хариулсныг сонирхоорой. Мөн “Улс төр” булангаас Дундговь аймгийн Иргэдийн Төлөөлөгчдийн Хурлын дарга Сандагийн Буджавтай хийсэн ярилцлагыг унших боломжтой.
“Өдрийн сонин”-ы нийтлэлийн бодлогыг тодорхойлж алдарт гуравдугаар нүүрт нийтлэлч Д.Мөнгөндалайн “Ах намууп эвдрэлцэхдээ эвлэрэх боломж үлдээгээсэй” нийтлэл хэвлэгдлээ. Уг нийтлэлд “АН, МАН хоёр сүүлийн үед ширүүхэн байна. Сонгууль дөхөж дээ. Хэдэн суудал илүү авчих санаатай элдвээр аяглаж байгаа нь нүдэн дээр илт. Биесээ хамаг муу муухайгаар хэлж, хатуу ширүүн үгийг хайр найргүй шидэж байна. Ялангуяа МАН сөрөг хүчин болоод ч тэр үү, АН руу айхтар цовхчиж байна. Ц.Нямдорж, Ч.Хүрэлбаатар, Ё.Отгонбаяр, Л.Энх-Амгалан, С.Бямбацогт нарын гишүүд ууртай байна…” хэмээн бичжээ. Дэлгэрэнгүйгээр нь гуравдугаар нүүрээс уншаарай.
“Уран бүтээлч” буланд Монгол Улсын төрийн шагналт зохиолч Далхаагийн Норовын “Итгэлт баяны ганц үг, Цахиур Төмөрийн дүр амьд юм шиг санагдаж байгаа чинь л жинхэнэ уран чадвар” хэмээх ярилцлагыг хэвлэлээ. Д.Норов зохиолч “Та бичихгүй байхын аргагүй ямар бүтээл бодож явна” хэмээх асуултад хариулахдаа ““Тоодгор” гэж нэг жүжиг бичих гээд дотроо бодоод л явна. Жижиг чулуугаар том чулуу доргиох санаатай. Дүрүүдээ бодоод байна” гэжээ. Ярилцлагын дэлгэрэнгүйг 12 дугаар нүүрээс уншина уу.
Дэлхийн 39 оронд бүтээгдсэн “Яг түүн шиг” шоу нэвтрүүлэг үзэгчдийг байлдан дагуулах болсон. Тэгвэл уг шоуны оролцогч, дуучин П.Баярцэнгэлийн ярилцлагыг өнөөдрийн дугаартаа хүргэж байна. Өнгөрсөн долоо хоногийн дугаарт алдарт дуучин Steven Tyler-ийг чадварлаг дуурайсан тэрээр “Би өөрөөсөө Стийвен Тайлор шиг тийм рок тембр гардаг гэж мэдээгүй байсан. Дуулалтын явцад өөрийгөө өөрчилж рок тембр хангалттай гарахаар юм байна гэдгээ мэдсэн” хэмээн ярьжээ. 13 дугаар нүүрээс түүний ярилцлагыг уншаарай. Түүнчлэн “Дэлхийн спорт”, “Баримт, үйл явдал”, “Дэлхийн мэдээ”, “Энэ өдөр” зэрэг булангуудыг өнөөдрийн дугаараас унших боломжтой.
Эрхэм уншигч та, манай сонины өнөөдрийн дугаарыг “Монгол шуудан” компанийн нийслэл Улаанбаатар дахь 35 салбар, “Түгээмэл” шуудан, “Улаанбаатар”, “Скай” шуудангийн салбаруудаас очиж авч болох ба сонин борлуулах бүхий л цэгүүд, Хэвлэлийн биржээс худалдан авах боломжтой юм. Мөн “Мөнгөн завъяа” дахь сонин борлуулах цэг, Сансрын үйлчилгээний төв дэх сонин борлуулах цэг, Хан-Уул дүүргийн 19 дүгээр хорооллын үйлчилгээний төвд байрлах сонин борлуулах цэг, Саппорогийн “Миний дэлгүүр” дэх сонин борлуулах гол гол цэгүүдээс худалдах авч болохыг дуулгая. “Өдрийн сонин”-ы өөрийн байранд ирж худалдан авч бас болно.
“Өдрийн сонин”-той холбоотой бүхий л мэдээллийг Мэдээлэх эрхийн утас 19001987-гоос лавлаж болох ба захиалга өгөхийг хүсвэл 9911-2954, 8811-1375 дугаарт холбогдоно уу. Хэрэв цахим хэлбэрээр нь захиалахыг хүсвэл 88071920 дугаарт холбогдож дэлгэрэнгүй мэдээллийг лавлаарай.
“ӨДРИЙН СОНИН” ӨГЛӨӨ БҮХНИЙ УРГАХ НАРНААР ТАНТАЙ ХАМТ