Орон нутагт энэ сарын 14-нд буюу өнгөрсөн амралтын өдөр ой хээрийн гурван түймэр ассан байна. Тодруулбал Завхан аймгийн Идэр сумын Дархан-УУл багийн нутагт оршдог Идэрийн эхийн доод модод хэмээх газарт ой, хээрийн түймэр ассан байна.Уг түймрийн дуудлага 15-ны 18:23 цагт аймгийн Онцгой байдлын газарт ирж дуудлагын дагуу 12 гал сөнөөгч ажилласан байна. Тэд орон нутгаас дайчилсан 20 иргэний хамт түймэр унтрааж байгаа аж.
Мөн Төв аймгийн Борнуур сумын Өгөөмөр багийн Сайхан гэдэг газарт дэгдсэн ой, хээрийн түймрийг тус сумын 50 иргэн цурманд оруулаад бүрэн унтраахаар ажиллаж байна.
Түүнчлэн нийслэлийн Баянзүрх дүүргийн ХХ хороо Баянзүрх хайрханы Сүүл даваанд гарсан түймрийг тус дүүргийн Онцгой байдлын хэлтсийн 61 гал сөнөөгч, байгаль орчны газрын 15 ажилтан, цагдаагийн хэлтсийн таван албан хаагч тухайн оройдоо цурманд оруулсан байна.