ОХУ-ын нийслэл Москва хотын Хованы оршуулгын газар угсасатнуудын гэмт хэргийн бүлэглэлүүд өөр хоорондоо зодолдож буудалцсан хэрэг гарчээ. Нүдээр үзсэн хүмүүсийн гэричлснээр бол энэ зодоонд бороохой, арматурын төмөр, бусад зүйлсээр зэвсэглэсэн дор хаяж 500 гаруй хүн оролцсон гэнэ. Энэ үеэр буун дуу олон удаа сонсогдсон гэж хэргийн гэрч болсон хүмүүс хууль сахиулагчдад хэлсэн байна. Зодоонд оролцсон гурван ч хүн хүнд гэмтэл авсан ч энгийн иргэдэд аюул нүүрлээгүй байна.
Буудалцааны үеэр цагдаагийн хоёр ч ажилтан амь алдсан гэж хотын шуурхай албаны эх сурвалж “Интерфакс” агентлагт мэдээлжээ. РИА Новости агентлагт мэдээлэл өгсөн эх сурвалж амь үрэгдсэн цагдаагийн ажилтныг зодоонд оролцгсдын дунд байсан гэсэн боловч Дотоод хэргийн яам үүнийг няцаасан байна. “Цагдаагийн ажилтнуудаас алагдаж, шархадсан хүн байхгүй” гэж ДХЯ-ны эх сурвалж хэлснийг ТАСС агентлаг дамжуулжээ.
Зодоонд 200 хүн оролцсоноос 50 хүнийг нь саатуулсан гэж ДХЯ-ны нийслэлийн албаны хэвлэлийн төлөөлөгч мэдэгдсэн байна. Хэргийн газарт хууль сахиулагчид ажиллаж, хүний амь үрэгдсэний төлөө эрүүгийн хэрэг үүсгэн шалгаж байгаа гэнэ.