“Өдрийн сонин”-ы лхагва гаригийн дугаар хэвлэгдэн, захиалагчдадаа хүрлээ. Энэ өдрийн дугаарт гарсан нийтлэл, сурвалжлага, ярилцлага, мэдээ мэдээллээс онцолж, тоймлон хүргэж байна.
Панамын оффшор данстай холбоотой мэдээлэл дэлхий нийтэд шуугиан тариад байна. Тэгвэл “Өдрийн сонин”-ы лхагва гаригийн дугаарт оффшор данстай болох нь илрээд буй Монгол иргэдийн талаарх дэлгэрэнгүй мэдээллийг хүргэж байна. Оффшортой данстай хэмээн нэрлэгдээд буй УИХ-ын гишүүн асан Д.Батбаяр, Сү.Батболд, Барилга, хот байгуулалтын сайд асан Д.Цогтбаатар, Нийслэлийн Засаг дарга Э.Бат-Үүлийн хүү Б.Чулуудай нар холбогдох мэдээллийг хийсэн юм. Тэд чухам ямар тайлбар хийснийг та бүхэн “Өдрийн сонин”-оос уншаарай.
Мөн өнөөдрийн шинэ дугаарт нэгэн сонирхолтой нийтлэл орсон нь НӨАТ-ын урамшууллын талаарх мэдээлэл. Тус урамшууллын супер шагнал болох 400 сая төгрөгийн азтанаар хоёр хүн тодорсон гэх. Тэгвэл энэ хоёрын хэн нь супер шагналыг авах юм бэ?. Энэ тухай мэдээллийг та бүхэн маргаашийн дугаараас уншаарай.
Нийгмийн үзэл санааны хамгийн том талбар, “Өдрийн сонин”-ы нийтлэлийн бодлогыг тодорхойлж байдаг алдарт гуравдугаар нүүрт энэ удаа нэрт нийтлэлч Баабарын нийтлэлийн буланд “Юмжаагийн Цэдэнбал” түүхэн эрхмийн цадиг орлоо. Харин улс төрийн хүрээнд өрнөсөн үйл явдлын мэдээллийг уншигч та бүхэн II, IV нүүрнээс уншаарай. Засгийн газрын хуралдаанаар дизель түлшний импортын онцгой албан татварын хэмжээг зарим боомтод тэглэсэн тухай таатай мэдээлэл орсон бол УИХ-ын С.Одонтуяа ярилцлага мөн гарлаа. Тэрээр “Богино хугацаанд сурталчилгаа хийхийг дэмжиж байгаа” хэмээн ярьжээ. Харин Ч.Улаан, Д.Тэрбишдагва нарыг намаасаа гарсан хэмээн мэдээлэл шуугиж байсан бол тус намаас мэдээлэл хийж Г.Давааням “Ч.Улаан, Д.Тэрбишдагва нар МАХН-аас дүрмийн дагуу гарахгүй бол нэр дэвших эрхгүй болно” хэмээн ярьсан юм. Эдгээр болон цаг үеийн бусад хэрэгцээт мэдээллийг “Өдрийн сонин”-ы өнөөдрийн дугаараас уншаарай.
Эрхэм уншигч та, манай сонины өнөөдрийн дугаарыг “Монгол шуудан” компанийн нийслэл Улаанбаатар дахь 35 салбар, “Түгээмэл” шуудан, “Улаанбаатар”, “Скай” шуудангийн салбаруудаас очиж авч болох ба сонин борлуулах бүхий л цэгүүд, Хэвлэлийн биржээс худалдан авах боломжтой юм. Мөн “Мөнгөн завъяа” дахь сонин борлуулах цэг, Сансрын үйлчилгээний төв дэх сонин борлуулах цэг, Хан-Уул дүүргийн 19 дүгээр хорооллын үйлчилгээний төвд байрлах сонин борлуулах цэг, Саппорогийн “Миний дэлгүүр” дэх сонин борлуулах гол гол цэгүүдээс худалдах авч болохыг дуулгая. “Өдрийн сонин”-ы өөрийн байранд ирж худалдан авч бас болно.
“Өдрийн сонин”-той холбоотой бүхий л мэдээллийг Мэдээлэх эрхийн утас 19001987-гоос лавлаж болох ба захиалга өгөхийг хүсвэл 9911-2954, 8811-1375 дугаарт холбогдоно уу. Хэрэв цахим хэлбэрээр нь захиалахыг хүсвэл 88071920 дугаарт холбогдож дэлгэрэнгүй мэдээллийг лавлаарай.
“ӨДРИЙН СОНИН” ӨГЛӨӨ БҮХНИЙ УРГАХ НАРНААР ТАНТАЙ ХАМТ