Орц (Хоёр хүний)
Өндөг-4-5 ширхэг
Үхрийн татсан мах-250-300 гр
Ургамлын тос-180-220 гр
Давс-1/2 цайны халбага
Сармис-нэг ширхэг
Сонгино-1/3 ширхэг
Хар перец-1/4 цайны халбага
Гоньд-1/4 цайны халбага
Хийх арга
Өөхгүй үхрийн махыг (хонь, тахиан мах эсвэл зайдас байж болно) махны машинаар нарийн ширхэгтэй болтол сайтар машиндана. Дараа нь давс, хар перец, үрж жижиглэсэн сармис, сонгино эсвэл нунтаг сармис, сонгино, гоньд, орегано зэргээр махыг амтална. Ингээд амталсны дараа 10-15 минут амраагаарай.
Энэ хооронд өндгөө чанана. Ингээд чанаж сойсон өндгийг хальсалж амталсан маханд орооно. Гарын алгандаа махыг жигд нимгэн нялж байгаад голд нь өндгөө тавьж гараараа базаж өндгийг махаар бүрнэ. Дараа нь миксэрдсэн өндгөнд махыг өнхрүүлэн норгоод хатаамалд өнхрүүлээрэй. Ингээд сайн халаасан ургамлын тосонд бөөрөнхий махыг хийж 10 минут орчим шарна.
Мах бор шаргал өнгөтэй болох болно. Эсвэл шарах шүүгээг 200 хэмд халааж махыг 15 минут шарахад л хангалттай. Амтат, чанасан өндөгтэй бөөрөнхий мах маань бэлэн боллоо.
ХАН БОРГОЦОЙТОЙ БЯЛУУ
Орц (Зургаан хүний)
Масло-180 гр
Элсэн чихэр-320 гр
Цөцгий-120 гр
Гурил-160 гр
Өндөг-Хоёр ширхэг
Хүнсний сода-1/4 цайны халбага
Нарийн боовны исгэгч-Нэг цайны халбага
Хан боргоцой-280 гр
Хийх арга
Хайруулын тавганд 65 гр масло болон 30 гр элсэн чихрийг хийж зөөлөн гал дээр хайлуулна. Элсэн чихэр уусч алга болтол хутгаж хайлуулаарай. Бор сахар, цагаан сахарыг хольж хэрэглэж ч болно. Ингээд дээрээс нь хэрчиж бэлтгэсэн хан боргоцойг жигд байрлуулан тавиарай. Өөр саванд тасалгааны температурт зөөлөрсөн 115 гр масло, 290 гр элсэн чихэр, өндгийг хольж хийгээд өндөгний шар задарч, элсэн чихэр хайлтал миксэрдэнэ. Дараа нь цөцгийг хийж дахин сайтар миксэрдэнэ. Ингээд гурил, хүнсний сода, нарийн боовны исгэгчийг нэмж хийгээд ахин миксэрдэнэ. Зуурмаг нялцгайвтар болох ёстой. Ингээд зуурмагийг жимсэн дээрээ жигд тараан хийгээд 180 хэмд сайтар халаасан шарах шүүгээнд хийж 40-50 минут хоёр талаас нь шарж болгоно. Кекс бүрэн болсон эсэхийг шалгахын тулд урт нарийн модоор хатгаж үзээрэй. Мод хуурай гарч ирвэл болсон байна гэсэн үг. Нойтон нялцгай гурилтай гарч ирвэл дахин болгоорой. Хан боргоцойн дээрээ өөр төрлийн жимс (үзэм, интоор зэрэг) нэмж хачирлаж болно шүү.
Бэлтгэсэн: А.ЗУЛ