БНХАУ-ын хамгийн олон үзэгчтэй томоохон шоуны нэг болох “SUPER BRAIN SHOW“-д Монголын Оюун ухааны академийн тамирчин, Ой тогтоолтын Олон улсын хэмжээний мастер, өсвөрийн дэлхийн аварга Э.Энхмөнх уригдан оролцсон. Энэ гуравдугаар сарын эхээр болсон энэхүү шоуны ялагчаар Монгол, Испани, Перу, Швед, Австралийн тамирчдын “Х-Team” баг шалгарч үлдсэн. Тэд зохион байгуулагч орны багийг олон сая хөгжөөн дэмжигчдийнх нь өмнө 5-1 онооны харьцаагаар илүүрхэн хожсон билээ.
Тухайн үед тус шоуг шууд дамжуулаагүй юм. Тэгвэл тус шоуг маргааш орой 21.10 цагаас “Jiangsu” телевизээр гаргахаар болсон байна. Уг шоуг онлайнаар үзэх боломжтой аж.