Зарим банк гуравдугаар сарын 15-наас эхлэн орон сууцны 5 хувийн зээлийн өргөдөл хүлээн авч эхэлсэн. Засгийн газраас баталсан Ипотекийн зээл санхүүжилтийн ерөнхий журамд зааснаар Улаанбаатар хотын гэр хорооллын дахин төлөвлөлтийн бүс, алслагдсан дүүрэг, 21 аймгийн нутаг дэвсгэрт орон сууц худалдан авах ипотекийн зээлийн хүүг эхний ээлжинд бууруулахаар тусгаад байгаа.
Гэр хорооллын дахин төлөвлөлтийн хүрээнд баригдсан 5 хувийн зээлд хамрагдах боломжтой орон сууцнууд:
- БЗД-ийн 14-р хороо Халдвартын эмнэлгийн орчим “Цагаан Хуаран Консалтинг” ХХК-ийн “ЦАГААН ХУАРАН ХОТХОН” 2448 айлын орон сууц
- СХД-ийн Ханын материалын орчим 168 айлын орон сууц
- БЗД-ийн 8,16-р дугаар хороонд Батлан хамгаалах их сургуулийн орчим “Баганат өргөө” компанийн Баганат хороолол
- “Гангар инвест” компанийн 168 айлын орон сууц
- БЗД-ийн 14-р хороололд “Зургаан талт компани” 150 айлын орон сууц
- СБД-ийн 7-р хороолол “Бэрэн” группийн А, Б блок
Зээлийн ерөнхий нөхцөлд 5 хувийн зээлийн хугацаа 30 хүртэлх жил байхаар заасан. Түүнчлэн Ипотекийн зээл хүсэгч өөрийн өмчлөлд байгаа сууцыг барьцаа болгон журамд заасны дагуу ипотекийн зээл авч, шинээр худалдан авах орон сууцны урьдчилгаа төлбөрийг төлж болохоор байгаа юм.