Энэ сарын 16-наас 20-ны өдрүүдэд Филиппин улсын Тагаятая хотод дугуйн уралдааны оюутны ДАШТ болж өнгөрлөө. Тус тэмцээнд манай улсыг төлөөлөн МУГЖ, тамирчин Ж.Өлзий-Оршихын удирдлага дор дөрвөн өрсөлдсөн. Үүнээс эрэгтэйчүүдийн 150 км-ын бөөн гараатай төрөлд манай тамирчин ОУХМ Б.Марал-Эрдэнэ дэд байрт шалгарч, Монгол улс тус тэмцээнээс анх удаа медаль хүртлээ.
Тэрбээр 3:13:42 цагийн амжилтаар Австралийн дугуйчин К.Монкийн ард орсон бол Германы А.Вейфенхбах хүрэл медаль хүртэв. Энэ гараанд 46 тамирчин уралдсан юм. Мөн тус зайнд Э.Билгүүнжаргал 12, Э.Мөнхтулга 20, Э.Болор-Эрдэнэ 22 дугаар байрт хурдаллаа. Энэ үеэр критериум уралдаан болоход Б.Марал-Эрдэнэ найм, Э.Билгүүнжаргал 12, Э.Мөнхтулга 20, Э.Болор-Эрдэнэ 22 дугаар байрыг эзэлсэн байна.