“МАХН-ын дарга Н.Энхбаяраас Авлигатай тэмцэх газар тайлбар авахаар удаа дараа дуудсан боловч очоогүй учраас түүнээс мэдүүлэг авахаар АТГ-ынхан Төрийн ордон руу орлоо” гэх мэдээлэл өчигдөр цахим сүлжээгээр маш хурдан тархсан. Төд удалгүй буюу өчигдөр үдээс хойш МАХН-ын зарим гишүүд, дэмжигчид Төрийн ордны баруун хаалган дээр цугларч, эсэргүүцлээ илэрхийлсэн. Энэ үеэр МАХН-ын дарга Н.Энхбаяр Төрийн ордонд, Шадар сайд Ц.Оюунбаатарын өрөөнд өмгөөлөгчийн хамт байсан юм.
