Өнөөдөр өглөө Хойд Солонгос өөрсдийн бүтээсэн цөмийн зэвсгээ олон нийтэд үзүүлжээ. Тус улсын “Родон Шинмүн” сонины тэргүүн нүүрэнд Ким Жөн Ун өөрийн улсынхаа бүтээсэн цөмийн зэвсгийг үзэн сонирхож буйг харуулжээ.
Энэ нь хэмжээг нь багасгасан цөмийн цэнэг юм. Өөрөөр хэлбэл Хойд Солонгос өөрсдийн бүтээсэн KN-08 тив хоорондын баллистик пуужингаар тээвэрлэх боломжтой болтол нь хэмжээг нь багасгаж чадсанаа харуулж буй аж. Ингэснээр Ким Жөн Ун АНУ-ын баруун эрэгт цөмийн цохилт өгч чадахаар болсноо батлав бололтой.
Харин АНУ болон Өмнөд Солонгосын талууд санаа зовж байгаагаа илэрхийлсэн гэнэ.