Хангайн бүсийн уралдаан Өвөрхангай аймагт өчигдөр эрлийз насны морьдын уралдаанаар эхэлж, өнөөдөр азарга, их нас, соёолонгийн уралдаанаар үргэлжилж байна. Одоогоор азарганы уралдаан барианд орж ирээд байгаа юм.
Азарганы уралдаанд:
Түрүү магнай: Өвөрхангай Уянга сумын харьяат Төмөр-Очирын Баттөрийн шарга.
Аман хүзүү: Өвөрхангай аймгийн Уянга сумын харьяат ААУяач Ганбаатарын Ариунболдын ембүү халиун
Айргийн гурав: Өвөрхангай аймгийн Уянга сумын харьяат ААУяач Ганбаатарын Ариунболдын шандас хээр
Айргийн дөрөв: Архангай аймгийн Өндөр-Улаан сумын харьяат Алдарт уяач Шаравжамцын Бадамжунайн хүрэн халзан. Хүрэн халзан азарга Ганзоригийн Тэмүүлэнгийн унаган адуу.
Айргийн тав: Архангай аймгийн Өндөр-Улаан сумын харьяат Буурийн Барбаатарын улаан хээр. Сүхбаатар унаган адуу.
ЭРЛИЙН НАСАНД МЭРГЭЖЛИЙН СУМО БӨХИЙН 68 ДАХЬ ИХ АВАРГА Д.ДАГВАДОРЖИЙН БОР ТҮРҮҮЛЭВ
Эрлийз насанд 50 гаруй хурдан түмэн эх 16 км-ийг туулж тоосоо өргөсөн.
Түрүү магнай: Өвөрхангай аймаг Хужирт сум, мэргэжлийн сумо бөхийн 68 дахь их аварга Долгорсүрэнгийн Дагвадоржийн бор. Тод манлай уяач Гаваагийн Батхүүгийн унаган адуу. Тод манлай уяач Дашцэрэнгийн Одгэрэл сойсон.
Аман хүзүү: Завхан аймаг Эрдэнэхайрхан сумын харьяат тод манлай уяач Намжилцэрэнгийн Даш Өлзий зээрд халзан. Соёолон үрээ.
Айргийн гурав: Төв аймаг Батсүмбэр сумын уяач Лувсанбалдангийн Бат-Оргилын халтар. Банзрагчийн Билэгдэмбэрэлийн унаган адуу. Хэдхэн хоногийн өмнө Дүнжингаравын хурд 2016 уралдаанд айрагдсан.
Айргийн дөрөв: Өвөрхангай аймгийн Бүрд сумын уяач Чүлтэмийн Пэрэнлэйн хээр. Унаган адуу.
Айргийн тав: Завхан аймаг Эрдэнэхайрхан сумын харьяат тод манлай уяач Намжилцэрэнгийн Даш-Өлзийн цавьдар хурдалжээ.
Их нас удахгүй уралдах гэж байгаа юм.