“Ази, Номхон Далайн бүс нутаг дахь хөгжлийн бэрхшээлтэй иргэдийн “Эрхийг бодит болгоё” Инчеоны стратегийн 2013-2022 оны арван жилийн зорилтын явцын тайлан, ажлын хэсгийн III дугаар хурал Тайландын нийслэл Бангкок хотод зохион байгуулагдаж байна.
Инчеоны Стратегийн зорилтын хүрээндэх хэрэгжилтийг тайлагнах “Ази, Номхон Далайн бүс нутаг дахь хөгжлийн бэрхшээлтэй хүмүүсийн 2013-2022 оны арван жилийн ажлын хэсгийн III дугаар хурал”-ийн уулзалтад Монгол улсаас ХАХНХЯ-ны харьяа СЗХҮТ-ын дэд дарга Т.Мөнх-Очир “Монгол Улс дахь Инчеоны Стратегийн хэрэгжилт” сэдвээр илтгэл тавьж амжилттай оролцож байна. Уг илтгэлд Монгол Улс Инчеоны Стратегийн зорилтуудыг шалгуур үзүүлэлтийн дагуу өнгөрсөн хугацаанд хэрхэн биелүүлж байгааг салбарын яамд, хотын захиргаа болон холбогдох төрийн захиргааны байгууллагуудаас ирүүлсэн мэдээллүүд дээр үндэслэжээ.
Хурлыг дарга болон удирдлагын зөвлөлийн гишүүд “Монгол Улс Инчеоны Стратегийн зорилтуудыг хэрэгжүүлэх эхний суурийг загвар болохуйц маш сайн тавьж байна. Мөн Монгол Улсын Засгийн Газар болон ХАХНХЯ түүний харъяа байгууллагууд, төр, төрийн бус байгууллагууд маш идэвхитэй сайн ажиллаж байна хэмээн цохон тэмдэглэлээ.