Нийслэлийн Өмчийн харилцааны газраас газрын эрхийн дуудлага худалдааг өнөөдөр зохион байгуулжээ. Нийслэлийн 13 байршил дахь газрыг дуудлагаар худалдсан ч энэ удаад нэг байршилд л худалдан авах санал иржээ.
Тэр нь Баянзүрх дүүргийн 10 дугаар хорооны нутаг Улиастай уулзвар орчим дахь 0,45 га газрын дуудлага худалдаанд хоёр иргэнээс санал ирж, иргэн Я.Гэрэл авсан байна. Үйлдвэрлэл үйлчилгээний зориулалт бүхий эл газрыг 84 сая 906 мянган төгрөгөөс эхлэн дуудаж, 86 сая 406 мянган төгрөгөөр Баянгол дүүргийн иргэн Я.Гэрэл авч, тавилгын үйлдвэрлэл эрхлэхээр болжээ.