Олон улсын хөлбөмбөгийн холбоо ерөнхийлөгчийн сонгуулиа явуулж, Европын хөлбөмбөгийн холбооны ерөнхий нарийн бичгийн дарга Жианни Инфантино шинэ тэргүүнээр тодорчээ.
Өнгөрсөн онд мөн Швейцарийн Цюрих хотноо ОУХБХ-ий Ерөнхийлөгчийг сонгох ээлжит их хурал болж, Жозеф Блаттер сонгогдож байсан билээ. Гэвч түүнийг ерөнхийлөгч болсны дараа авлигын асуудал сөхөгдөж, хөлбөмбөгтэй холбоотой үйл ажиллагаанд таван жилээр оролцох эрхийг нь хасах шийдвэрийг Олон Улсын Хөлбөмбөгийн Холбооны ёс зүйн хорооноос гаргасан юм.
2015-2019 он хүртэлх хугацаанд хөлбөмбөгийн холбоо ерөнхийлөгчгүй болсноос үүдэж ОУХБХ-ны дүрмийн дагуу ээлжит бус Их хурлыг энэ сарын 26-ны өдөр сонгон зохион байгуулсан байна.
Ээлжит бус Их Хурлаар 5 нэр дэвшигч өрсөлдсөн бөгөөд Инфантино гол өрсөлдөгчөөсөө нэлээд илүү санал авснаар ялалт байгуулжээ.