Бразил улсын Рио-Де-Жанейро хотноо зохиогдох XXXI удаагийн олимпийн наадмын эрх авах эхний тэмцээн ирэх сарын 23-нд урд хөршийн Тян Шанд болно. Тус тэмцээнд манай орноос улсын аварга шалгаруулах тэмцээнд түрүүлсэн тамирчид оролцож байгаа юм. Тэмцээнд эрэгтэй 9, эмэгтэй 3 жинд нийт 12 тамирчин өрсөлдөнө. Тодруулбал,
Эрэгтэй:
49 кг-д ОУХМ Г.Ган-Эрдэнэ
52 кг-д ОУХМ Х.Энх-Амар
56 кг-д ОУХМ Э.Цэндбаатар
60 кг-д Ази тив болон Азийн наадмийн аварга ОУХМ Д.Отгондалай
64 кг-д ОУХМ Б.Чинзориг
69 кг-д ОУХМ Б.Түвшинбат
75 кг-д ОУХМ Н.Шинэбаяр
81 кг-д ОУХМ С.Эрдэнэбаяр
91 кг-д Д.Ерболот
Эмэгтэй
51 кг-д ОУХМ М.Нандинцэцэг
60 кг-д ОУХМ О.Сувд-Эрдэнэ
75 кг-д Э.Эрдэнэтуяа нар улсаа төлөөлөн оролцоно.
Тус тэмцээний эрэгтэй алт мөнгөн медальтан эрхээ шууд авах бол хүрэл медаль хүртсэн хоёр тамирчин хоорондоо өрсөлдөж ялсан нь олимпод оролцох эрхээ авна. Харин эмэгтэй жин тус бүрээс алт мөнгөн медаль хүртсэн тамирчид Риог зорих аж. Эмэгтэйчүүдийн хоёр дах эрхийн тэмцээн Казахстаны нийслэл Астанад болох ДАШТ юм. Уг тэмцээнд эхний гурван байрт шалгарсан тамирчид олимпод оролцоно.
Сүүлийн эрх авах тэмцээн Азербайжаны нийслэл Баку хотноо зургаан сарын 14-26 болох бөгөөд дэлхийн бүх эрх аваагүй улсууд оролцож эхний таван байрт шалгарсан тамирчид олимпийн эрхээ авснаар Рио-Де-Жанейро хотод болох олимпийн наадмийн боксийн төрөлд оролцох тамирчид тодрох юм байна.