УИХ-ын гишүүн С.Ганбаатар Хөдөлмөрийн Үндэсний намын дарга
болоод удаагүй байгаа билээ. Гэвч шинэхэн намын дарга намын гишүүд дундаа нэр
хүнд муу байгаа бололтой. Түүнийг намын гишүүд нь намын даргын суудлаасаа
огцрохыг шаардаж эхлэв.
ХҮН-ын Нийслэлийн намын хорооны дэд дарга Ө.Мөнхбат намын
даргынхаа худал хуурмаг зан, хууль зөрчсөн үйлдлийг эсэргүүцэж байгаагаа
илэрхийлсэн юм. Тэрээр энэ талаараа сэтгүүлчдэд мэдээлэл хийлээ. Тэрээр
“С.Ганбаатар дарга ХҮН-д орж ирээд 01 дугаартай тушаал гаргасан. Гэтэл гадаад
томилолтой явж байсан ХҮН-ын генсек н.Доржхандыг чөлөөлж оронд нь н.Одонгуаг
томилсон. Дараа нь 02 тоот тушаал гаргахдаа Хариуцлагын Ерөнхий хороог татан
буулгах шийдвэр гаргасан.
Энэ нь манай намын дүрмийг зөрчиж байгаа юм. Хариуцлагын Ерөнхий
хороо бол манай намын Их хурлаар сонгогддог дээд байгууллага. Гэтэл С.Ганбаатар
дарга намын дүрэм зөрчиж, хариуцлагагүй үйлдэл гаргаж байна” гэлээ. Мөн
Дундговь аймгийн ХҮН-ын дарга Ш.Эрдэнэбат намын дарга С.Ганбаатарыг Хариуцлагын
Ерөнхий хороонд өгч, намын даргын суудлаас огцрох ёстой гэсэн өргөдөл бичжээ.
Тэд шат, шатны байгууллагаар хуралдаж асуудлыг шийднэ” гэлээ.