ХҮН-ын дотоод дахь зөрчлийн талаар УИХ-ын гишүүн, Хөдөлмөрийн Үндэсний намын дарга С.Ганбаатар ингэж хэлжээ.
“Манай нам бол итгэл үнэмшлээрээ нэгдсэн олон хүний нэгдэл болсон нам. Бид олон дэмжигчийн итгэлийг хүлээж байгаа. Аливаа хүчтэй шинэ нам гарч ирэхэд бүлэглэлүүд хутган үймүүлж, бодлогоор унагаах зүйл явагддаг. Түүнээс биш манай нам дотроо эв нэгдэлтэй байгаа. Зарим нэг бүтэц зохион байгуулалтын асуудлаа удирдах зөвлөлөөрөө шийднэ. Манай нам дотоод асуудлаа дүрмээрээ шийддэг. Хууль зөрчсөн байвал тогтоогоод, ном журмаар нь шийднэ. Түүнээс хэн нэгэн гомдож гарч ирээд янз бүрийн мэдэгдэл хийгээд байвал аль нэг бүлэглэлээс орж ирсэн бууны нохой юм уу гэж хардахыг хүсэхгүй байна. Дүрмээс гадуур зүйл ярьж байгаа хүмүүс бол Ганбаатарыг ерөнхийлөгч болгохгүйн төлөө зүтгэж байгаа бүлэглэлүүдийн захиалга гэж үзэхэд бэлэн байгаа. Гэхдээ ингэж бодоход эрт байна” хэмээсэн байна.