Өчигдөр Монголын авто замчдын үйлдвэрчний эвлэлээс хэвлэлийн бага хурал хийлээ. Тэд авто зам арчлалтын 28 компанид 2015 онд хийсэн ажлын гүйцэтгэл болох 5,3 тэрбум төгрөгийн санхүүжилтийг нэн даруй олгохыг шаардсан юм. Түүнээс гадна 2016 онд 55 тэрбум төгрөгөөр тооцолсон төсвийг танаж найман тэрбум төгрөг болгон баталсныг эсэргүүцжээ. Мөн 4000 автозамчдын нийгмийн, эрүүл мэндийн даатгалыг төлж, гурван сарын цалинг нэн даруй олгох шаардлага тавьж байлаа.
Тэд 11 сараас хойш УИД-д шат дараалалтайгаар шаардах бичиг явуулсан ч одоог хүртэл хариу ирүүлээгүй аж. Цаашдаа арга хэмжээ авахгүй авахгүй бол хамтын маргаан үүсгэх болно гэж Монголын авто замчдын ҮЭ-н дарга Д. Цэрэнпүрэв онцлов.
Автозамын үйлчилгээ явуулдаг 52 компани гурван сэарын хугацаанд нефть импортлогч, компаниудаас шатах тослох материал, битум зэрэг материалуудыг зээлээр авч ажлаа гүйцэтгэж байжээ. Үүнээс болоод тоног төхөөрөмжөө битүүмжлүүлж ажлаа явуулж чадахгүйд хүрээд байна.
Э.АРИУНЗУЛ