Сар шинийн баяр болох
гэж байгаатай холбогдуулан Мэргэжлийн хяналтын газраас хүнсний бүтээгдэхүүний
шалгалт явуулж БНХАУ-аас импортлосон “Yogurt fruit taste” нэрийн 450 граммаар
савласан цэлцэгнүүрээс мөөгөнцөр илэрсэн тул худалдахыг зогсоосон байна. Мөн
шошгын зөрчилтэй бууз, “Марио” цөцгийтэй тараг, “Нийслэл” нэрийн хэвийн боов,
“Амин дэмийн бэлдмэл”, Өвөрхангай аймгийн “Маргад” цехийн үйлдвэрлэсэн дөрвөн
нэр төрлийн бүтээгдэхүүн зэрэг 16 нэр төрлийн бүтээгдэхүүнийг зах зээлээс эргэн
татуулсан байна. Баяр болох гэж байгаатай холбогдуулан хувь хүмүүс гар дээрээс
хүнсний бүтээгдэхүүн худалдах зөрчил ихэссэн бөгөөд хувь хүнээс худалдаа
хийхгүй байхыг МХЕГ-аас анхаарууллаа.