Канадын баруун хэсгийн Саскачеван мужийн
Ла-Лош хотноо өнгөрсөн баасан гаригт онц ноцтой хүн амины хэрэг гарчээ. Хууль
бус галт зэвсэгтэй этгээд Ла-Лош хотноо байрлах нэгэн байшинд нэвтэрч, 13 болон
17 настай ах, дүү хоёрыг буудан хөнөөсөн байна. Гэмт этгээд хөвгүүдийн аминд
хүрснийхээ дараа тус хотын нэгэн ахлах сургуульд очиж, гурван хүний амь насыг
бүрэлгэжээ. Цагдаагийнхан шуурхай ажилласны үр дүнд халдлага үйлдсэн гэмт
этгээдийг баривчилсан талаар “CNN” агентлаг мэдээлэв. “Гэрчүүдийн мэдээлснээр
“Гэмт этгээд цагдаа нарыг харсныхаа дараа бууж өгсөн” гэжээ. Цуврал халдлага
үйлдсэн гэмт этгээд дөнгөж 17 настай хэмээн цагдаагийн газраас уламжилсан
байна. Түүнийг аллага болон хүн амины хэргээр 11 төрлийн зүйл ангиар буруутган
шалгаж байгаа юм байна.