Ражив Гандийн нэрэмжит Үйлдвэрлэл, урлалын политехникийн коллеж, Монгол-Солонгосын политехник коллеж, Барилгын политехник коллеж хамтран оюутан сурагчдынхаа бүтээлийн үзэсгэлэнг гаргав. Хөдөлмөрийн сайд Г.Баярсайхан үзэсгэлэнг нээж “Хөдөлмөрийн зах зээлд хамгийн эрэлттэй байгаа ажиллах хүчнийг манай яамны харьяа мэргэжлийн сургалт үйлдвэрлэлийн төвүүд бэлтгэж байна. Цаашид салбарын үйл ажиллагааг шинэ шатанд гаргах, тулгамдаж буй асуудлуудаа даруй шийдвэрлэж байх шаардлага тулгарч байна” гэв.
Үзэсгэлэнг үзэж сонирхсон хүмүүс бэлтгэж буй мэргэжлийн боловсрол эзэмшигчид жил ирэх тусам чадваржиж буйг хэлж байлаа.
Үзэсгэлэнг хөдөлмөрийн салбарын удирдах ажилтны зөвлөлгөөнд оролцогсод үзэж сонирхсон юм. Энэ зөвлөлгөөнд яам болон харьяа газрын удирдлагууд, нийслэл, дүүрэг, аймгуудын хөдөлмөрийн хэлтсийн дарга, мэргэжлийн сургалт, үйлдвэрлэлийн төв, политехникийн коллежийн захирлууд оролцов.
