АШУИС-ийн шинжлэх ухаан технологийн төвийн Цөм лабораторид байрлах “MON-HP” компани өнөөдөр нээлтээ хийв. Энэ компани нь ходоодны салстаас хеликобактер пилорийн халдварыг илрүүлэх түргэвчилсэн оношлуурыг үйлдвэрлэх юм. Компанийн захирал, анагаах ухааны доктор Х.Оюунцэцэг “Монгол Улсад хоол боловсруулах эрхтэн тогтолцоо, тэр дундаа ходоодны хелико бактерыг оношлох судалгааг олон жилийн өмнөөс хийж эхэлсэн. Өмнө нь цөөн эмнэлэг судалгааны зорилгоор ашиглахын тулд гадаадаас 15-20 ам.доллараар оруулж ирдэг байсан. Бид үүнийг хөнгөвчилж хеликобактер пилорийн халдварыг 30 минутад илрүүлэх оношлуурыг бүтээсэн” гэсэн байна.
“MON-HP” компанийн үйлдвэрлэсэн оношлуур 5000 төгрөгийн үнэтэй юм байна. Энэ оношлуурын мэдрэг чанарыг шинжлүүлэхэд 94.3 хувь, өвөрмөц чанар 98.2 хувьтай байсан нь маш сайн үзүүлэлт болохыг мэргэжлийн хүмүүс хэллээ.