Чингис зочид буудалд өнөөдөр Монгол, Хятадын бизнес эрхлэгчдийн анхдугаар чуулган болж байна. Энэ удаагийн чуулганд манай улсаас 250, БНХАУ-аас 20 гаруй аж ахуйн нэгжийн төлөөлөл оролцож буй юм. Энэ чуулга уулзалтаар хоёр орны төлөөлөгчид хөрөнгө оруулалт, санхүүжилт хийхэд тулгамдаж буй асуудал, бараа бүтээгдэхүүнийг хямд зардлаар оруулах боломжийн талаар хэлэлцэж байгаа юм. Мөн бизнес эрхлэгчид хоёр орны хөрөнгө оруулалтын орчин, сувгуудын талаар мэдээлэл солилцож, БНХАУ-д бараа бүтээгдэхүүн худалдаалах, бизнесийн боломж, хамтран ажиллахад баримтлах зарчим зэргээ тодорхой болгон, хэлэлцэж байна.