“Өдрийн сонин”-ы лхагва гаригийн дугаар хэвлэгдэж гарлаа. Өнөөдрийн дугаараа тоймлон хүргэе. УИХ-ын гишүүн, Монгол Улсын сайд, Засгийн газрын хэрэг эрхлэх газрын дарга С.Баярцогтын ярилцлага хэвлэгдлээ. Тэрээр Үндсэн хуулийн өдрийн хүрээнд сонирхолтой ярилцлага дэлгэсэн байна. Түүний ярилцлагыг “Өдрийн сонин”-ы лхагва гаригийн дугаарын I, II нүүрээс уншигч та бүхэн уншаарай.
Мөн сонины II, IV, V нүүрт Засгийн газрын хуралдаан болон Байнгын хороодын хуралдаан зэрэг тухайн өчигдөр улс төрийн хүрээнд өрнөсөн үйл явдлын мэдээ мэдээлэл орлоо. Нийгмийн чиг хандлагыг тодорхойлогч “Өдрийн сонин”-ы алдарт III нүүрт энэ удаа нэрт нийтлэлч Баабарын “Бурхан минь, биднийг дээрэмчдээс авраач” нийтлэл орсон байна.
Мөн энэ удаагийн дугаарт Монголын барилгачдын холбооны ерөнхийлөгч М.Батбаатар цаг үеийн асуудлаар сонирхолтой ярилцлага өгсөн бөгөөд түүний ярилцлагыг XIII нүүрнээс уншаарай. XII нүүрт “Тhe Lemons” хамтлагийн соло гитарчин А.Энхтулгын ярилцлага гарсан бол Д.Нацагдоржийн шагналт, МЗЭ-ийн шагналт яруу найрагч Л.Мягмаржавын ярилцлага XV нүүрт хэвлэгдэв.
Сүүлийн өдрүүдэд нийт нутгаар хүйтний эрч чангарч байгаа. Тэгвэл хэзээ хэдэн хэм хүртэл хүйтрэх зэрэг хэрэгтэй мэдээлэл XIX нүүрт орсон болохыг онцолж байна.