Сар шинийн баярт зориулсан идээ шүүс, ус ундаа болоод гарын бэлэг, өмсөх гоёлоо нэг дороос авч болох үзэсгэлэн худалдааны товууд гарчээ.
“Мишээл Экспо” төвд“Цагаан сар 2016” үзэсгэлэн худалдаа өчигдрөөс эхлэн 11-ний өдрийг хүртэл үргэлжилнэ. Үзэсгэлэнд 130 гаруй байгууллага, жижиг дунд үйлдвэрлэгчид оролцож байгаа юм.
Харин “Хүннү молл”-д “Цагаан сар-2016” үзэсгэлэн худалдаа нэгдүгээр сарын 27-ноос хоёрдугаар сарын 7-ны өдрийг дуустал болох юм байна. Оролцох хүсэлтэй аж ахуйн нэгжүүдийг өчигдрөөс эхлэнХХААЯ-ны Хүнснийүйлдвэрийнбодлогынхэрэгжилтийгзохицуулахгазарт бүртгэж байгаа аж.
Цагаан сараар өв уламжлал, ёс заншлаа сурталчлан таниулах, хамгаалан авч үлдэх зорилгоор үндэсний хувцсаараа гоёх нь жил ирэх тусам нэмэгдэх болсон. Иймээс иргэдэдээ нэг дороос үндсэний хувцсаа үйлдвэрийн үнээр худалдан авах, захиалах боломжийг бүрдүүлэх зорилгоор “Монгол гоёл-2016” үзэсгэлэнг нэгдүгээр сарын 13-наас 17-ны өдрүүдэд зохион байгуулахаар бэлдэж байна. Энэхүү үзэсгэлэнд үндэсний хувцас, малгай, бүс, даалин хөөрөг, ноос ноолуур, арьс ширэн бүтээгдэхүүн үйлдвэрлэгч нийт 100 гаруй хувь хүн, аж ахуйн нэгж оролцох юм байна.