Монголын хөлбөмбөгийн энэ оны анхны тэмцээн болох футзалын өсвөрийн УАШТ Монголын хелбөмбөгийн холбооны футзаланд эхэллээ. Энэ удаагийн өсвөрийн УАШТ-д 11 хүртэлх насны ангилалд хот, хөдөөгийн 27 баг, 13 хүртэлх насанд 32 баг оролцож байна. Нас тус бүрт есөн баг орон нутгаас оролцож байгаа нь хөлбөмбөгийн спорт хөдөө, хотод жигд хөгжиж байгааг харууллаа. Хэсгийн тоглолтууд уржигдар эхэлсэн бөгөөд хэсэг тус бүрээс шалгарсан 16 баг хасагдах системээр өрсөлдөх юм. Тэмцээний медалийн эзэд энэ сарын 17-нд тодорно.