“Оддын дайн” киноны шинэ анги тэрбум долларын ашиг олжээ

Холливуудын нэрт жүжигчин Харрисон Фордын тоглосон “Оддын дайн” цувралын “Оддын дайн: Хүч сэргэсэн нь” кино нээлтээ хийгээд 12 өдрийн дотор нэг тэрбум ам.долларын ашиг олжээ. Тус бүтээл дэлхийн 35 улсад нээлтээ хийсэн бөгөөд зөвхөн АНУ болон Канадын кино зах зээлээс 544.5 сая ам.долларын ашиг олсон байна. “Оддын дайн” киноны долоодугаар анги АНУ, Их Британи, Герман, Австралийн кино чартуудыг тэргүүлээд байна. Зөвхөн Зул сарын баяраар тус кино 135 сая ам.долларын ашиг олжээ. Кино шүүмжлэгчид “Оддын дайн” киног гурван тэрбумын ашиг олох магадлалтай хэмээн бичсэн талаар CNN мэдээлжээ.