Гол, мөрөн, нуурын мөсөн дээгүүр явахгүй байхыг анхааруулсаар байгаа. Гэвч, иргэд голын мөсөн дээгүүр автомашинтайгаа явж байгаад эндэх тохиолдол гарсаар байна. Төв аймгийн Эрдэнэ сумын Өгөөмөр багийн “Тарваган шийрийн гацаа” гэдэг газар Туул голын мөсөн дээгүүр зорчиж явсан “Ланд крузер-100” загварын автомашин мөс цөмөрч суусан байна гэсэн дуудлага онцгой байдлын албанд ирсэн байна. Дуудлагын дагуу Налайх дүүргийн Онцгой байдлын хэлтсийн албан хаагчид ажиллахад, 48 настай жолооч Д машиныхаа бүхээгт осгож нас барсан байжээ. Уг хэргийг цагдаагийн байгууллага шалгаж байгаа аж.