Өнөөдөр Кёкүшү бияа” сургууль нээлтээ хийлээ. Энэ сургууль сумогоос гадна жүдо, чөлөөт, үндэсний бөхийн ангиудтай юм байна. Бөхийн дан ганц төрлөөр бус бусад төрлөөр давхар хичээллэх нь тэсвэр хатуужил, барилдааны ур дүйтэй болоход асар дөхөмтэй гэдгийг багш нар нь онцолж байлаа. Кёкүшүзан Д.Батбаярын байгуулсан тус сургууль 7-11 насны хүүхдүүдийг хамруулах бөгөөд шилдэг сурагчдаа Японд үргэлжлүүлэн сургах юм байна.
Нээлтийн үеэр Кёкүшүзан Д.Батбаяр “Энэ сургуульдаа олон сайхан тамирчдыг бэлтгэн олимп, дэлхийн аварга шалгаруулах тэмцээний дэвжээнд гаргах зорилготой. Мөн эр хүн болох зориг хатуужил олгохоос гадна Японы дэг жаяг, хүмүүжлээр хүүхдүүдийг сургаж, бие хүн болон төлөвшихөд нь эерэгээр нөлөөлнө гэж үзэж байна” гэв.