Өчигдөр
Олон улсын валютын сангаас Хятадыг юанийг нөөц валют болгох шийдвэр гаргалаа.
Тодруулбал, 2016 оны аравдугаар сараас эхлэн юань бусад хөрвөх чадвар сайтай
ам.доллар, евро, иен, фунт стерлингийн эгнээнд нэгдэхэд асуудалгүй гэж дэлхийн
188 орны төлөөллөөс бүрдсэн ОУВС дүгнэжээ. Тус сан юанийг олон улсын валютын
сагсанд нэмэх шийдвэр гаргасан нь дэлхийн худалдаа, санхүүгийн зах зээл дэх
юанийн хэрэглээг нэмэгдүүлэх нь гарцаагүй хэмээн ажиглагчид дүгнэж байгаа юм.
БНХАУ олон улсын нөөцийн валютын сагсанд багтах хүсэлтийг 2010 онд тавьж байсан
ч хөрвөх чадвар муу байна гэсэн үндэслэлээр хүсэлт буцаагдаж байжээ. Харин энэ
удаад санал нэгтэйгээр дэмжсэн нь юанийг Төв банкуудын нөөцийг бүрдүүлж
чадахуйц найдвартай, аюулгүй гэж тооцсон аж.