Их Британийн “Velmenni” хэмээх компани Li-Fi буюу гэрэл ашиглан гайхамшигтай хүчин чадал бүхий интернэт сүлжээ үүсгэгч зохион бүтээжээ. Энэхүү ухаалаг LED гэрэл нь секундэд 1Gb-ийн хурдтай интернэт сүлжээ үүсгэдэг буюу энгийн үгээр Wi-Fi-аас 100 дахин илүү хурдтай аж. Зохион бүтээгчдийн тайлбарласнаар Li-Fi нь мэдээллийг LED гэрэл ашиглан дамжуулдаг аж. Өөрөөр хэлбэл хүний нүдэнд ажиглагдахааргүй нано секундын хурдаар анивчдаг байна.Уг бүтээгдэхүүнийг 2011 онд лабораторид зохион бүтээсэн бөгөөд тухайн үед секундэд 224Gb хурдалж байсан ч туршилтаар батлагдаж байжээ.
Хурдаас гадна Wi-Fi-аас ялгаатай гол үзүүлэлт нь уг сүлжээ нь хана нэвтрэх боломжгүй байна. Wi-Fi орж ирсэн тохиолдолд нууц үгээ хийвэл сүлжээнд нэвтэрдэг. Харин Li-Fi гэрэлд суурилан ажиллах учраас сүлжээний цар хүрээ ханаар хязгаарлагддаг байна. Гэхдээ энэхүү сул тал нь аюулгүй байдлыг бататгаж буйгаараа илүү давуу тал болно гэж тайлбарлаж байгаа юм.