Монгол Улсын Төрийн дээд шагнал, тэргүүн зэргийн “Чингис хаан” одонт соёлын гавьяат зүтгэлтэн Г.Мэнд-Ооёо өнөөдөр 18.00 цагт МУИС-ийн багш оюутнуудад “Монголчуудын эрдэм соёлыг тээсэн их нүүдэл” сэдвээр лекц унших гэнэ. Тэрбээр энэ жилийн Үндэсний бахархалт өдрөөр эл нэр хүндтэй шагналыг Ерөнхийлөгч Ц.Элбэгдоржээс хүртсэн билээ. Г.Мэнд-Ооёо нь утга зохиол, яруу найраг, хүүрнэл зохиол, танин мэдэхүйн 50 гаруй ном зохиол хэвлүүлсэн бөгөөд бүтээлүүд нь англи, орос, хятад, франц зэрэг олон орны хэл дээр орчуулагдан уншигчдын хүртээн болсон.