Аргын тооллын арваннэгдүгээр сарын 17. Сугар гариг. Билгийн тооллын 6. Элдэв тэнгэртэн одтой, улаагчин тахиа өдөр. Өдрийн наран 08:21 цагт мандан, 17:31 цагт жаргана. Тухайн өдөр үхэр, могой жилтнээ аливаа үйлийг хийхэд эерэг сайн ба бич, тахиа жилтнээ сөрөг муу нөлөөтэй тул элдэв үйлд хянамгай ханд. Эл өдөр гэмтнийг шийтгэх, гаригийг тахих, хагалгаа хийлгэх, газрын ам бооход сайн. Улай гаргах, хиншүү хярвас, нарийн зөвлөгөөн хийх, байшингийн суурь тавих, угаал үйлдэхэд муу.
Өдрийн сайн цаг нь хулгана, бар, туулай, морь, хонь, тахиа болой. Хол газар яваар одогсод баруун зүгт мөрөө гаргавал зохистой. Үс шинээр үргээлгэх буюу засуулбал өнгө зүс сайжирна.