Зам тээврийн яамны Төрийн нарийн бичгийн дарга асан, “Монголын төмөр зам” ТӨХК-ийн ТУЗ-ийн дарга асан Б.Батзаяа, Ухаахудаг-Гашуун сухайтын чиглэлийн төмөр замын ажлыг гүйцэтгэж байсан Өмнөд Солонгосын “Самсунг С&Т” компанийн захирал Ли Жон Гёл нарыг өнгөрсөн сарын 30-нд баривчлан хорьсон. Тэднийг өнгөрсөн баасан гаригт батлан даалтад гаргасан юм. Энэ талаар Цагдаагийн ерөнхий газрын хэвлэлийн мэдээллийн төвийн дарга Б.Баатархүү “Шүүх Б.Батзаяад авсан цагдан хорих таслан сэргийлэх арга хэмжээг өөрчилж батлан даалтад гаргасан. Ингэснээр түүнийг гадуур шалгаж байгаа. Таслан сэргийлэх арга хэмжээ авах шийдвэрийг шүүх гаргадаг учраас цагдаагийн байгууллагатай холбоогүй” гэлээ.