Японы баруун өмнөд хэсгийн эргийн ойролцоо өчигдөр 7.0 магнитудын хүчтэй газар хөдөлжээ. Газар хөдлөлтийн голомт Кагошима хотоос баруун өмнө зүгт 190 орчим км зайтай, орон нутгийн цагаар үүрээр буюу 5:51 цагт болсныг Японы цаг уурын агентлагаас мэдээлжээ. Хүчтэй газар хөдлөлтөөс нэг цагийн дараа Японы өмнөд хэсгийн гол арал Кюшугийн эрэг дагуу нэг метр орчим өндөртэй далайн давалгаа үүссэн байна. Японы албаныхан газар хөдлөлтөөс хоёр цагийн дараа цунамигаас сэрэмжлүүлэх зөвлөмжийг цуцалжээ.