Улсын төсвөөс 100 гаруй тэрбум төгрөг төсөвлөн зарцуулдаг “Оюутны 70 мянга”-ыг ирэх арван хоёрдугаар сард улирлаар нь олгоно гэж Сургалтын төрийн сангаас мэдээллээ. Гэхдээ энэ жил эдийн засгийн хүнд байдалтай холбоотойгоор Засгийн газрын тогтоол гарч “Дээд боловсролын сургалтын байгууллагад суралцагчид суралцагчийн тэтгэлэг олгох журам”-д өөрчлөлт оруулсан. Өөрчлөлтөд сурлагын голч дүнг дараах байдлаар өсгөж, оюутны үндэсний тэтгэлэг олгохоор болжээ.
ҮНДЭСНИЙ ТЭТГЭЛЭГТ
-Бакалаврын хөтөлбөрт суралцагчийн голч дүн 2.0-оос доошгүй байсныг 3.0-оос доошгүй,
-Магистрын хөтөлбөрт шинээр элсэгчийн бакалаврын дипломын голч дүн 2.8-аас доошгүй байсныг 3.2-оос доошгүй,
-Докторын хөтөлбөрт шинээр элсэгчийн магистрын дипломын голч дүн 3.0-оос доошгүй байсныг 3.5-аас доошгүй гэж заасан.
УРАМШУУЛЛЫН ТЭТГЭЛЭГТ
-50 хувийн урамшууллын тэтгэлэг авах суралцагчийн голч дүн 3.4 болон түүнээс дээш байсныг 3.6 болон түүнээс дээш,
-75 хувийн урамшууллын тэтгэлэг авах өдрийн ангийн магисрант, докторантын голч дүн 3.6-аас дээш байсныг 3.8-аас дээш болгон тус тус өндөрсгөсөн байна.