Монгол Улсаас БНХАУ-ын Эрээн хотод суугаа дэд консул А.Баярсайхан
хилээр их хэмжээний буу, сум гаргаж байгаад баригдсан гэх мэдээлэл
байна. Тэрбээр албаны дипломат автомашиндаа буу, сум хийж тээвэрлэж,
Эрээн хот руу нэвтрэх гэж байгаад Замын-Үдэд саатуулагдсан байна.
Энэ талаар ГХЯ-ны Хэвлэлийн төлөөлөгч Ж.Батхишигээс тодруулахад “Манай
яам уг асуудлыг удирдлагын түвшинд шалгаж үзээд холбогдох байгууллагууд
руу албан бичиг хүргүүлчихээд хариу ирэхийг хүлээж байна. Хариу ирмэгц
эргэж мэдээлнэ” гэв
Дашрамд дурдахад, хэрэгт холбогдоод буй Монгол Улсаас БНХАУ-ын Эрээн
хотод суугаа дэд консул А.Баярсайхан нь Тагнуулын ерөнхий газраас
томилогдсон хүн юм байна.