“Өдрийн
сонин”-ы Эрэн сурвалжлах, тоймчдын албаны сэтгүүлч Э.Хүрэлбаатар Ханбогд суманд
томилолтоор ажиллаад ирлээ. Монгол орны аймаг, сум бүхэнд очиж ажилласан түүний
энэ удаагийн томилолт нэгэн ноцтой асуудлыг хөндөж байна. Учир нь Өмнөговь
аймгийн Ханбогд суманд тэмээний үл мэдэгдэх өвчин гарч, нэлээд олон тооны тэмээ
үхчээ. Эх нь үхсэн ботгонууд чөлөө завгүй буйлж, зэлээ тойрон бөн бөн нулимс
унагаад малчны гадаах намрын сүүлч даанч нэг уйтай байгааг энэхүү сурвалжлагад
дүрсэлжээ. Шинжлэх ухаан өндөр түвшинд хөгжсөн өнөө цагт ямар өвчин тархаад
байгааг улс тогтоож чадахгүй, нэг хотны гурван гэрийн амин зуулга болсон хэдэн
тэмээ хиараад дуусч байгааг маргаашийн дугаараас тодорхой уншаарай. Та манай
сонины дугаарыг 99112954 дугаарт холбогдон захиалах юмуу эсвэл Монгол
шуудангийн салбар, сонин түгээх цэгээс худалдан аваарай.