Сагсан бөмбөгийн нэрт тамирчин, алдарын танхимын гишүүн Д.Даваахүүгийн нэрэмжит 19 хүртэлх насны залуучуудын улсын аварга шалгаруулах тэмцээн энэ сарын 9-16-ны хооронд зохиогдохоор төлөвлөгджээ. Тус тэмцээнд 1996 оноос хойш төрсөн тамирчид тоглох бөгөөд хот, аймаг, дүүрэг, клуб, их, дээд сургуулиудын нийт эрэгтэй 20 баг, эмэгтэй 8 баг оролцохоор бүртгүүлээ ирүүлжээ. Спортын төв ордонд болох энэхүү тэмцээнийг Монголын Үндэсний Сагсан Бөмбөгийн Холбоо зохион байгуулах аж..
Тэмцээнд эхний гурван байр эзэлсэн эрэгтэй, эмэгтэй баг тамирчдаас гадна байрлал бүр дээр “Шилдэг гарааны таван тоглогч”-дыг тодруулж, улмаар 19 хүртэлх насны эрэгтэй, эмэгтэй улсын шигшээ багуудыг байгуулан, цаашид олон улсын тэмцээн, уралдаануудад оруулах зорилготой ажиллах юм байна.