Засгийн газрын өчигдрийн хуралдаанаар бүх дэд сайдыг албан үүргээс нь чөлөөлсөн байна. Учир нь төсвийн тодотгол батлагдсантай холбоотойгоор ийнхүү дэд сайд гэсэн албан тушаалгүй болж байгаа аж. Шийдлийн Засгийн газар нь 15 яамны 17 дэд сайдтай үйл ажиллагаагаа явуулж байсан бөгөөд МАН-ыг Засгаас гарсны дараа дэд сайд нарыг нь чөлөөлсөн ч орны хүмүүсийг нь томилоогүй байсан юм.
Улс төрийн намуудын хувьд албан тушаалын хуваарилалт хийхэд чухал нөлөө үзүүлдэг гэх уг албан тушаал сүүлийн хэд хэдэн Засгийн газрын үед байсаар ирсэн юм. Харин АН, МАХН, ИЗН-ын дэд сайдуудын чөлөөлөгдсөнийг өнөөдөр тогтоол гаргаж, баталгаажуулах ажээ.