Өршөөлийн
тухай хууль өнгөрөгч 10 дугаар сарын 29-нөөс хэрэгжиж эхэлсэн. Ингэснээр
хуулийн дагуу 1800-2000 орчим иргэн эрх чөлөөтэй болно гэдгийг албаныхан хэлж
байгаа.
Харин
өршөөлөөр суллагдсан эдгээр иргэдийн хөдөлмөр эрхлэлтийг дэмжих чиглэлээр
Хөдөлмөрийн яам ажиллаж эхэлжээ. Тодруулбал, суллагдсан иргэдийг таван төрлийн
сургалтад хамруулах юм байна. Энэ талаар Хөдөлмөрийн сайд Г.Баярсайхан
“Ажил олгогч эзэд, хувийн компаниуд суллагдаад гарч байгаа иргэдийг ажлын
байраар хангасан тохиолдолд тухайн байгууллагыг урамшуулах асуудлыг судалж
байгаа. Ийм ажлыг зохион байгуулах шаардлагатай байгаа” гэсэн юм.