Өнөөдөр Монгол Улсын Ерөнхийлөгч Ц.Элбэгдоржийн урилгаар Япон Улсын Ерөнхий сайд Шинзо Абэ Монгол Улсад ажлын айлчлал хийнэ. Айлчлалын үеэр Японы Ерөнхий сайд Шинзо Абэ Монгол Улсын Ерөнхийлөгч Ц.Элбэгдоржид бараалхаж хоёр орны Стратегийн хамтын ажиллагааны өргөн хүрээтэй асуудлаар санал солилцохоор төлөвлөсөн байна.
Энэ нь түүний Монгол Улсад хийж буй хоёр дахь айлчлал юм. 1990 оноос хойших Японы Ерөнхий сайд манайд өмнө дөрвөн удаа айлчилж байсан билээ. Дашрамд тэмдэглэхэд өмнө нь Ерөнхий сайд Т.Кайфү 1990 онд, К.Обүчи 1999 онд, Ж.Коизүми 2006 онд, Шинзо Абэ 2013 онд тус тус Монголд айлчилж байжээ.