Улаанбаатар хотоос Төв аймгийн Мөнгөнморьт сумын Бурхан халдун, Ононгийн халуун рашаан чиглэлд таван иргэн Ланд-80, Ланд-200 загварын хоёр автомашинтай энэ сарын 10-ны өдөр гараад сураггүй болсон байна.
Энэ тухай дуудлагыг 18-ны өдрийн 13:30 цагт хүлээн авч, тус аймгийн Онцгой байдлын газрын Эрэн хайх, аврах салбарын алба хаагчид эрэн хайх ажиллагааг зохион байгуулж, үзэгдэх орчин хязгаарлагдсан тул 20:00 цагт зогсоож, өнөөдөр өглөө 07:00 цагаас эрэн хайх ажиллагааг үргэлжлүүлж байна.
Түүнчлэн Дорноговь аймгийн Мандах сумын Баянхошуу багийн малчин У-ийн гэрээс 31 настай эрэгтэй 18-ны өдрийн 01:00 цагийн үед гарч яваад сураггүй болсон тухай дуудлагыг тухайн өдрийн 07:20 цагт хүлээн авч тус сумын иргэд эрэн хайх ажиллагааг зохион байгуулж сумаас хойш 1 км-ийн газраас мөн өдрийн 21:45 цагт эсэн мэнд олж ар гэрийнхэнд нь хүлээлгэн өгчээ.