Элэгний хепатит өвчний эсрэг
хэрэглэгддэг Харвони эмийг борлуулалтынх нь үнээс бараг ес дахин хямд
үнээр монголчууд худалдан авах боломжтой болсон гэдгийг Г.Шийлэгдамба
сайд мэдэгдэж байлаа. Тухайн эмийг нь өнгөрөгч таван сард манай улсын
эмийн бүртгэлд бүртгэсэн. Ирэх сард Харвони эм манай улсад орж ирнэ.
Энэ эм нь элэгний хепатит С вирустай
хүмүүст шаардагдах уг эм нь зах зээлд 9400 долларын үнэтэй. Харин энэ
эмийг нэг сарын эмчилгээ нэг хайцаг нь 28 шахмал эмээс бүрдэх эмийг
дөрвөн зуун доллараар авах боломжийг олгоно гээд байгаа. Гурван сар буюу
курсээр нь уухад 1200 доллар шаардагдах юм. Бараг жил орчим яригдаж
өмнөх сайд болон дэд сайдынх нь хооронд маргалдаан бий болж байсан эм
ирэх сард манай улсад орж ирнэ.
Одоогоор хепатит С вирусийг эрт үед нь
онцлохоор хот хөдөөгийн 140 орчим эмч эмнэлгийн ажилтнуудыг хоёр удаа
давтан сургалтанд хамруулсан. Америкийн нэгдсэн улсаас монгол улсад
эхний ээлжинд харвоны эм нь 1600 хүнийг курсээр эмчлэх тун орж ирэх юм
байна.
Харвони гэх эм ямар ч байсан эрүүл мэнд
спортын салбарын сайд нарын тайлагнадаг нэг ажил болж хувирлаа. Эхний
ээлжинд 1600 хүн, дараагийн ээлжинд хоёр мянган хүн, цаашид эмчлэх хүнээ
нэмэгдүүлээд явна гэсэн. Тухайн эмийг түгээх нийт 22 эмийн сан
сонгогдсон гэж албаныхан мэдээлсэн.
Эмчлүүлэгч нь эмчийн зааврын дагуу
шинжилгээг тухай бүрт нь өгөх учиртай. Эм бүр тухайн өвчтөнд зориулсан
тусгай кодтойгоор олгогдоно. Харвони эмийг ууж байхдаа ургамлын гаралтай
эм бэлдмэл тан нэмэлт бүтээгдхүүн хэрэглэхгүй байх ёстой гэж салбарын
сайд хэллээ.