Нийтийн тээврийн үйлчилгээ эрхэлдэг хувийн хэвшлийн компаниуд ажил хаялтаа зогсоож ажилдаа гарлаа.
Тэд “Улаанбаатар смарт карт” компани орлогыг дутуу хуваарилж байгаа учраас автобус компаниуд алдагдалтай ажиллаж, техник, сэлбэг хэрэгсэл худалдан авах, ажилчдынхаа цалин хөлсийг өгөх боломжгүй болсон хэмээн энэ сарын 7-ноос эхлэн түр зогсолт нэрээр ажил хаялт зарласан юм. Харин дөнгөж сая Автобус компаниудын төлөөлөл мэдээлэл хийхдээ “Бид тохиролцолд хүрсэн учраас ажилдаа гарахаар боллоо. Өчигдөр Нийслэлийн Засаг даргын Зам тээвэр, дэд бүтцийн асуудал хариуцсан орлогч Н.Гантөмөрөөр ахлуулсан нийслэлийн Мэргэжлийн хяналтын газар, Улаанбаатар хотын цагдаагийн газар хамтарсан ажлын хэсэг гаргаж, ажил хаясан компаниудад шалгалт оруулахаар болсон. Бид шалгуулахад бэлэн байна” хэмээлээ.