Хуучин “Энэрэл” эмнэлгийн суурин дээр, дөрвөн жилийн турш баригдсан нийслэлийн гуравдугаар төрөх эмнэлэг буюу Амгалан амаржих газрын шинэ байр өчигдөр ашиглалтад орж, нээлтээ хийлээ. Харин энэ сарын 29-нөөс иргэдэд үйлчилж эхлэх юм байна.
9,000 ам.метр талбайд 412 өрөө, 150 ортой, долоон давхар төрөх эмнэлгийг Япон Улсын Засгийн газрын 1.5 сая ам.долларын буцалтгүй тусламжийн хөрөнгөөр орчин үеийн тоног төхөөрөмж, аппараттайгаар тохижуулжээ.
Хуучин 45 хүний ортой гуравдугаар төрөх эмнэлгийн шинэ байр ашиглалтад орсноор жилдээ 20 мянган эх хүлээн авах боломжтой болох бөгөөд энэ нь
нийслэлд төрж байгаа нийт эхчүүдийн 50 хувь нь ажээ.