Баянхонгор аймгийн Бага олимпийн наадам
өчигдөр нээлтээ хийжээ. Зургаан хоног үргэлжлэх Бага олимпийн нээлтийн ёслолд
тус наадмыг санаачлагч УИХ-ын гишүүн Х.Баттулга, Д.Ганбат, олимпийн
Н.Түвшинбаяр, дэлхийн аварга Г.Болдбаатар, ОУХМ Д. Сумъяа, Ц.Мөнхзаяа, П.
Лхамдэгд, Б.Батгэрэл, чөлөөт бөхийн дэлхийн аваргын хүрэл медальт Э.Бэхбаяр
нарын шилдэг тамирчид хүрэлцэн очсон байна. Наадмын урьдчилсан шатны тэмцээнүүд
төв, хангай, говийн гэсэн гурван бүсэд нэгэн зэрэг эхэлжээ. Гурав дахь удаагийн
наадамд нийт сумдыг хамрасан 30 багийн тамирчид спортын 15 төрлөөр өрсөлдөх юм.
Олимпийн наадмыг угтан зохиогддог энэхүү наадам хамгийн анх найман төрлөөр
явагдсан бол дараагийн бага олимп 12 төрөл, гурав дахь наадам ийнхүү 15 төрөл
болон өргөжжээ.
