Өчигдөр АНУ-ын ерөнхийлөгч Барак Обама Ромын пап Францисыг Цагаан ордонд хүлээн авч уулзжээ. Тэрээр Куба болон АНУ-ын хагас зуун жил гаруйн өмнө тасарсан дипломат харилцааг бүрэн сэргээхэд болон хоёр орны харилцааны шинэ эхлэлийг тавихад үнэлж баршгүй хувь нэмэр оруулсан хэмээн сайшааж талархлаа илэрхийлсэн байна.
Уулзалтын үеэр Ерөнхийлөгч Обама болон Ромын пап Фрэнсис нар шашны эрх чөлөө, уур амьсгалын өөрчлөлт, Ойрхи Дорнод болон Африкаас цагаачид, дүрвэгчид Европ руу олноороо цувж буй болон ядуурлыг дарах арга замуудын талаар хэлэлцсэн байна. Уулзалтын дараа Ромын Пап Францис Вашингтон хотын гудамжуудаар машинтай явж, цугласан олонтой мэндчилжээ.