Улсаас 13
тэрбум төгрөг завшсан гэж сэжиглэн шалгаж эхэлсэн Л.Гансүхийн гэгдэх хэргийг
шүүх хурал өнөөдөр/IX.10/ Баянзүрх, Сүхбаатар, Чингэлтэй дүүргийн эрүүгийн
шүүхэд эхэллээ. Шүүх хуралдаанд шүүгдэгчээр “Нүүрс” хөтөлбөрийг хэрэгжүүлэхдээ
албан тушаалаа ашиглаж хувьдаа мөнгө зувчуулсан гэх Ерөнхий сайд асан
Н.Алтанхуягийн ахлан зөвлөх Л.Гансүх, “Эм Жи Эл Эс Би” компанийн
захирал Н.Даваахүү, тус компанийн нягтлан бодогч Б.Мөнгөнтуяа нар оролцох юм.
Гэрчээр Ерөнхий сайд асан Н.Алтанхуяг оролцоно гэж байсан ч энэ удаа ирсэнгүй.
Харин “Багануур” ХК-ийн захирал М.Отгонбаяр, Үндэсний аудитын газрын шинжээч
Ш.Ичинхорлоо нар нь удаа дараа шүүхэд ирж мэдүүлэг өгөхөөс зайлсхийж байгаа тул
Тахарын албанаас албадан ирүүлжээ.
Дөнгөж сая Л.Гансүхийн өмгөөлөгчийн зүгээс шүүх хурлыг хойшлуулах санал гаргалаа. Үүнийг нь одоо хэлэлцэх гэж байна.