Улсаас 13 тэрбум төгрөг завшсан гэж сэжиглэн
шалгаж эхэлсэн Л.Гансүхийн гэгдэх хэргийг шүүх хурал Баянзүрх, Сүхбаатар,
Чингэлтэй дүүргийн эрүүгийн шүүхэд эхлэх гэж байна. Шүүх хуралдаанд шүүгдэгчээр
“Нүүрс” хөтөлбөрийг хэрэгжүүлэхдээ албан тушаалаа ашиглаж хувьдаа мөнгө
зувчуулсан гэх Ерөнхий сайд асан Н.Алтанхуягийн ахлан зөвлөх Л.Гансүх, “Эм
Жи Эл Эс Би” компанийн захирал Н.Даваахүү, тус компанийн нягтлан бодогч
Б.Мөнгөнтуяа нар оролцох юм. Шүүгчдийн бүрэлдэхүүн шүүх танхимд орж ирсэн хэдий
ч нээлттэй хуралдаан явуулах танхимын дэлгэц унтарсан тул хуралдааны танхимд
ямар процесс үргэлжилж байгаа нь тодорхойгүй байна.